Грекийн агаарын хүчний нисгэгчид Газар дундын тэнгисийн зүүн хэсэгт газар нутгийн маргаантай байгаа бүсэд  нэг өдрийн дотор 40 удаа нэвтэрсэн Туркийн сөнөөгч онгоцнуудтай агаарын тулаан хийх шахсан тухай Грекийн нисэх хүчин мэдэгджээ. Тус маргаантай байгаа агаарын бүс нь албан ёсоор Грекийн харьяалалд байдаг юм. 

НАТО-гийн гишүүн болох Грек, Туркийн хоорондын харилцаа сүүлийн жилүүдэд улам хурцдаж байгаа. Туркийн онгоц, нисдэг тэрэг 2017 оны 5-р сард нэг өдөр 141 удаа Грекийн агаарын орон зайд хууль бусаар нэвтэрч байсан тухайг Грекийн үндэсний батлан ​​хамгаалахын ерөнхий штаб мэдээлсэн юм. Мөн Грекийн хэд хэдэн нисгэгч Туркийн тийрэлтэт онгоцнуудыг хөөж байх үедээ осолд орж амиа алдаж байжээ. 

Эгейн тэнгис газар нутгийн төлөө дээрх 2 орнууд хэдэн арван жилийн турш маргаж байгаа бөгөөд өмнө нь бүр зэвсэгт мөргөлдөөнд хүртэл орж байжээ. Грекийн Батлан ​​хамгаалахын сайд Никос Панагиотопулос саяхан маргаантай газар нутаг Грекийн цэргийн хяналтад байгаа гэж мэдээлсэн юм.

Турк улс Газар дундын тэнгисийн зүүн хэсгийг цэргийн хүчээр өөрийн болгож, нутаг дэвсгэрийн маргаантай асуудлыг НҮБ-ын оролцоогүйгээр шийднэ гэж Туркийн дэд ерөнхийлөгч Фуат Октай парламентад мягмар гаригт мэдэгдэв.

“Шаардлагатай бол Турк цэрэг илгээж, Газрын дундад тэнгисийн зүүн хэсэгт сургуулилт хийж, хил дамнасан ажиллагаа явуулах болно. Би энэ асуудлыг шийдэхийн тулд чадах бүхнээ хийнэ. "Гэж Фуат Октай сонинд өгсөн ярилцлагадаа дурджээ.

Зөвхөн Турк, Грекийн хооронд төдийгүй Вашингтон, Анкара хоёрын хооронд хурцадмал байдал үүссэн тул АНУ Афинтай цэргийн харилцаа холбоогоо сайжруулахаар ажиллаж эхэлсэн билээ. Тиймээс АНУ-ын тал удахгүй энэхүү үйл явдалд хөндлөнгөөс оролцох магадлал өндөр байгаа юм.