БНХАУ-ын Берлин хотод суугаа элчин сайд "Huawei Technologies Co" компанийн үйлдвэрлэсэн 5G утасгүй сүлжээ цацагч төхөөрөмжид хориг тавих юм бол ХБНГУ-д хариу арга хэмжээ авна гэж сүрдүүлэв.

"Huawei"-ийн эсрэг үзэл Канцлер Ангела Меркелийн тэргүүлж буй эвслийн засгийн газар дахь хууль тогтоогчдын дунд улам бүр нэмэгдэж байна. Тэд Хятад улсын бодлогыг "итгэмээргүй" гэж нэрлээд тус улсын 5G технологи борлуулагчдад өргөн хориг тавих хуулийн төслийг өргөн барьсан юм.

"Huawei" компанийн үйлдвэрлэсэн тоног төхөөрөмжийг Хятадын тагнуулын хэрэгсэл болох боломжтой гэсэн хардлага байгаа учраас  Ангела Меркел ийм шийдвэр гаргажээ. 

Улмаар "Хэрэв Герман улс "Huawei"-г Германы зах зээлээс шахаж гаргавал бид хариуг нь барих болно" гэж Элчин сайд Ву Кен өнгөрсөн бямба гаригт хэллээ.

АНУ-ын Ерөнхийлөгч Дональд Трампын засаг захиргаа АНУ-ын холбоотнуудыг "Huawei"-ын 5G технологийг худалдаж авахгүй байхыг уриалаад байгаа. Энэ сард АНУ-ын Харилцаа холбооны хорооны гаргасан шийдвэрийн дагуу Америк компаниудыг  "Huawei"-ын бүтээгдэхүүнийг худалдаж авахыг хориглосон байна. 

ХБНГУ-ын батлахаар төлөвлөж буй хууль тогтоомжоор "Huawei"-г тодорхой нэрлээгүй боловч Хятадын компаниудаас өндөр технологийн бүтээгдэхүүн худалдаж авахын мөн адил хориглох аж. 

Элчин сайд "Huawei" компани Хятадын засгийн газарт мэдээлэл өгөх хууль ёсны үүрэг хүлээгээгүй гэж хэлээд өнгөрсөн онд Хятадад зарагдсан 28 сая автомашины дөрөвний нэгийг Германы үйлдвэрлэгчид эзэлж байгааг сануулав.

Тэрбээр "Бид нэг өдөр эдгээр Германы автомашинууд аюулгүй байдал хангаж чадахгүй байна гэсэн шийдвэр гаргаж чадахгүй гэж үү? Бид өөрсдийнхөө автомашиныг үйлдвэрлэх боломжтой болсон учраас тийм шийдвэр гаргах хэцүү биш." гэж мэдэгджээ.