Сүүлийн 10 гаруй жилийн хугацаанд дэлхийн дулаарлаас болоод улс орнууд сэргээгдэх эрчим хүчний салбарт гол анхаарлаа хандуулах болсон билээ. Зарим улс орнууд бусдаасаа илүүтэйгээр хүчин чармайлт гаргасны үр дүнд багагүй амжилт гаргаад байгаа нь нууц биш. Энэ үүднээс та бүхэнд сэргээгдэх эрчим хүчний салбарт тэргүүлж байгаа орнуудын жагсаалтыг хүргэж байна. 

1 Их Британи

Та бүхний мэдэж байгаагаар Их Британи нь маш өндөр агаарын урсгалтай бүст байрладаг орон билээ. Тиймээс британичууд салхин сэнсийг олноор нь тавьж эхэлсэн юм. Үүний үр дүнд тус орон эрчим хүчний хэрэгцээнийхээ ихэнх хувийг салхинаас гаргаж авдаг болсон байна. Зарим өдөр бүр Шотланд дахь байшин бүрийг салхин сэнснээс гаргаж авсан цахилгаанаар хангадаг аж. 

2 Герман

Герман улс нарны хавтан үйлдвэрлэлтээр дэлхийд тэргүүлэг орон юм. Тэд 2017 онд цахилгаан эрчим хүчний хэрэгцээний 85 орчим хувийг нарны эрчим хүчээр хангаж, дээд амжилт тогтоож байсан билээ. 

3 Хятад

Харамсалтай нь дэлхийн "хамгийн том бохирдуулагч" гэгддэг Хятад одоо сэргээгдэх эрчим хүчний дэлхийн хамгийн том хөрөнгө оруулагч болж байна. Тус улс нь дэлхийн хамгийн том нарны хавтан, салхин сэнсний үйлдвэрлэгч болсон юм. 

4 АНУ

АНУ нь нарны хавтан, салхин сэнсний үйлдвэрлэлтээрээ дэлхийд хоёрдугаарт Хятадын араас ордог. Энэ эрчээрээ АНУ 15 жилийн дараа нийт эрчим хүчний хэрэгцээний 80 хувийг сэргээгдэх эрчим хүчээр хангадаг болох тоцоо бий. 

5 Энэтхэг

Хэдэн жилийн дотор Энэтхэг нь АНУ-тай дүйцэх хэмжээний сэргээгдэх эрчим хүч үйлдвэрлэгч орон болжээ. 2018 оны эцсээр тэд 17 гигаваттыг нар, бараг 33 гигаваттыг салхинаас үйлдвэрлэсэн байна. Тус улс 2022 он гэхэд 175 гигаватт цахилгаан үйлдвэрлэдэг болно гэсэн зорилгоо биелүүлэх магадлал өндөр байна.

6 Бразил

Бразилийн цахилгаан эрчим хүчний 76 хувь нь сэргээгдэх эх үүсвэрээс ирдэг. Тэд 93 гигаваттын усан цахилгаан станц, суурилуулсан салхины хүч, 27 мегаваттын нарны цахилгаан станцтай аж. 

7 Уругвай

Өмнөд Америкийн энэ улс нь нийтийн болон хувийн ашиглалтын салбарын хамтын ажиллагааны гэрээ байгуулснаар салхи, нарны цахилгаан станцад их хэмжээний хөрөнгө оруулалт хийжээ. Тус улс эрчим хүчний хангамжийнхаа 95 хувийг сэргээгдэх эрчим хүчээр хангадаг юм.

8 Дани улс

Сэргээгдэх зорилгыг дэвшүүлж буй өөр нэг орон бол Дани юм. Тус улс 2050 он гэхэд 100 хувь сэргээгдэх эрчим хүчээр хэрэгцээгээ хангадаг орон болох төлөвлөгөөтэй байгаа. Тэд голчлон салхины эрчим хүчний салбарт хөрөнгө оруулж байгаа бөгөөд 2020 он гэхэд богино хугацааны зорилгоо биелүүлж нийт эрчим хүчнийхээ 50 хувийг салхинаас авдаг болно хэмээн найдаж байгаа аж. 

9 Исланд улс

Исландын эрчим хүчний бараг 100 хувь нь сэргээгдэх эх үүсвэрээс (ихэнхдээ усан цахилгаан ба газрын гүний дулааны) гаралтай аж. 

10 Швед

2015 онд Швед шатдаг түлшний бүх төрлийн ашиглалтыг бүрэн зогсоох зорилт тавьсан. Энэ зорилгодоо хүрэхийн тулд тэд нар, салхи, гүний дулаан гээд бүх төрлийн сэргээгдэх эрчим хүчний бүх салбарт их хэмжээний хөрөнгө оруулах болжээ. 

11 Коста Рика

Хүн амын тоо харьцангуй бага, газарзүйн өвөрмөц байрлалтай Коста Рика эрчим хүчний хэрэглээнийхээ ихэнх хувийг ус, нар, салхины эрчим хүч хэлбэрээр хангадаг юм. Сүүлийн хоёр жил гаруй хугацаанд тус орон сэргээгдэх эрчим хүчний цахилгаан станцын тоог 2 дахин нэмэгдүүлсэн бөгөөд тэд 2021 онд шатдаг түлшнээс бүрэн салахын төлөө ажиллаж байгаа гэнэ. 

12 Никарагуа

Коста Рикагийн нэгэн адил Никарагуа сэргээгдэх эрчим хүчний салбарт ихээхэн анхаарал хандуулан ажиллаж байна. Тус орон 2020 он гэхэд сэргээгдэх эрчим хүчээр 90 хувийн хэрэглээгээ хангах зорилт тавьсан байна. 

13 Марокко

Жилийн 350 өдөр нартай байдаг Марокко нарны эрчим хүчний салбарт хөрөнгө оруулалт ихээр хийх болжээ. Нарны цахилгаан станц асар олныг барьсны хүчинд тус улс энэ оны сүүлээр нэг сая гаруй гэрийг сэргээгдэх эрчим хүчинд холбох төлөвтэй байна. 

14 Кени

Африкийн энэ улс хөрш зэргэлдээ орнуудаас цахилгаан импортлох шаардлага гарахгүйн тулд шаргуу ажилласан юм. Тэд 2015 онд эрчим хүчнийхээ тэн хагасаас илүү хувийг хангах хэмжээний цахилгаан станц барьж байсан юм. Тус орон нь мөн тивдээ хамгийн томд тооцогдох салхин цахилгаан станцыг байгуулсан бөгөөд тэндээсээ нийт хэрэглээний 20 хувиа хангаж чаддаг аж.