Дэлхийн хуримтлалын өдрийг тохиолдуулан Капитрон банкнаас харилцагчдынхаа дунд зарласан “Анталья аялцгаая” хадгаламжийн урамшуулалт аян өндөрлөж урамшууллын эздээ 2019 оны 11 дүгээр сарын 1-ний өдөр “Эх орон” телевиз болон Капитрон банкны фэйсбүүк хуудсаар шууд дамжуулан тодрууллаа.

Энэхүү аянд Капитрон банкны Улаанбаатар хот, Орон нутгийн 45 салбар нэгжид шинээр болон хуучин хугацаатай хадгаламждаа орлого хийсэн 6 сараас дээш хугацаатай хадгаламжийн 1 сая төгрөг тутамд нэг сугалааны эрхтэйгээр оролцох эрхийг олгосон юм. Харин тухайн жилийн зарлагдсан хамгийн өндөр хүүг санал болгодог “Мөрөөдөл” хүүхдийн хадгаламжийн 500,000 төгрөг тутамд нэг сугалааны эрхтэйгээр аянд оролцсон. Ийнхүү бүтэн сарын турш үргэлжилсэн Турк улсын аялал жуулчлалын төв, үзэсгэлэнт Анталья хот руу хосоор нь аялуулах хадгаламжийн урамшуулалт аяны эздээр дараах харилцагчид тодорсон байна.

• Мини дроны эзнээр Капитрон банкны Шангри Ла салбарын харилцагч Ч.Амарбаатар,
• Цахилгаан унадаг дугуйны эзнээр Улаанбаатар салбарын харилцагч П.Очирбат,
• Хагас мэргэжлийн зургийн аппаратын эзнээр Эрдэнэт салбарын харилцагч Х.Бадамсүрэн,
• Iphone XR гар утасны эзнээр 4-р хороолол салбарын харилцагч Ө.Номингэрэл,
• Туркийн Анталья руу хосоороо аялах эрхийн эзнээр Шонхор салбарын харилцагч Х.Намуунзул нар тус тус тодорлоо.

Азтануудад урамшууллыг 2019.11.07-ний Пүрэв гарагт Капитрон банкны төв оффист гардууллаа.

Ийнхүү дэлхийн хуримтлалын өдрийг тохиолдуулан зарласан “Анталья аялцгаая” хадгаламжийн урамшуулалт аян амжилттай өндөрлөж, Капитрон банкны 18 жилийн ойг тохиолдуулан 2019.11.01 - 2019.12.20-ний өдрийг дуустал хугацаанд явагдах хадгаламжийн хоёр дахь аян буюу “Европоор аялцгаая” хадгаламжийн урамшуулалт аян эхэллээ.

Та энэхүү аянд Капитрон банкинд 6 сараас дээш хугацаагаар шинээр хадгаламж нээлгэсэн болон хуучин хугацаатай хадгаламждаа орлого нэмсэн 500,000 төгрөгт тутамд нэг сугалааны эрхтэйгээр оролцох юм.

Хадгаламжийн үйлчилгээний талаар мэдээллийг Capitronbank.mn веб хуудас, Capitronbank фейсбүүк хуудсаар болон 1800-2020 дугаараас, мөн өөрт ойр байрлах Капитрон банкны салбар нэгжээс аваарай. Та бүхэнд амжилт хүсье!

 

Капитрон банк-Ухаалаг ирээдүйн зүгт