Сүүлийн хоёр жилийн хугацаанд Израиль АНУ-ын нийслэл Цагаан Ордон болон бусад чухал газруудын ойролцоо гар утасны тагнуулын төхөөрөмж суулгасан байх магадлалтай болохыг АНУ-ын гурван хуучин албан тушаалтнуудаас иш татан "Politico" мэдээлэв.
Тус бяцхан хэмжээтэй хяналтын төхөөрөмж нь утасны дуудлагын агуулгыг багтаасан мэдээлэл цуглуулахын тулд харилцаа холбооны цамхгуудтай ойролцоо газар суулгагдсан байжээ. АНУ-ын засгийн газар Израилийн ажиллагаа явуулж байгаа хүмүүсийг Дональд Трамп болон түүний хамтрагчдыг тагнахаар байрлуулсан байж болзошгүй үзсэн байна.
Израилийн Ерөнхий сайдын алба хашиж буй Бенжамин Нетаньяху энэ хэргийг "үл ойлгогдох худал" хэмээн няцааж, тус улс "АНУ-д тагнуулын ямар нэгэн ажиллагаа явуулахгүй" гэж мэдэгдсэн байна.
Харин "Guardian" сэтгүүл энэ долоо хоногт Нетаньяху ирэх долоо хоногт болох сонгуультай холбоотой завгүй байгаа тул энэ асуудалд анхаарал хандуулж чадахгүй байгаа гэж мэдээлжээ.
Холбооны мөрдөх товчоо болон бусад агентлагууд тэдгээр тагнуулын төхөөрөмжийг "StingRays" гэгддэг төхөөрөмжүүд байж магадгүй бөгөөд нарийвчилсан шүүх-шинжилгээг ашиглан Израилийн агентуудтай холбосон болохыг тогтоосон гэнэ. Тиймд "Израильчууд хариуцлага хүлээх нь тодорхой" гэж Холбооны мөрдөх товчооны төлөөлөгч мэдэгдсэн байна.
Вашингтон дахь Израилийн элчин сайдын яамны хэвлэлийн төлөөлөгч Элад Строхмайер энэ бүхнийг няцааж, “Эдгээр мэдэгдэл нь ямар ч утгагүй юм. Израиль АНУ-д тагнуулын ажиллагаа явуулдаггүй." гэжээ. Харин Цагаан ордон болоод Дотоодын аюулгүй байдлын алба, Холбооны мөрдөх товчоо, АНУ-ын нууц албаныхан удахгүй энэ талаар дэлгэрэнгүй мэдэгдэл хийнэ гэдгээ амласан байна.
