Хятадын Худалдааны Яам өнгөрсөн пүрэв гарагт АНУ болон Хятадын удирдагч нар 10-р сарын эхээр худалдааны хэлэлцээрээ үргэлжлүүлэх болсныг зарлажээ.

Тус мэдэгдэлд дурдсанаар Хятад улсын худалдааны яамны төлөөлөгч Лю Хэ болон АНУ-ын Сангийн яамны төлөөлөгч Роберт Лайтцайзер, Сангийн яамны нарийн бичгийн дарга Стивен Мнучин нар тус хэлэлцээрийг явуулахаар болсон байна. Харин АНУ-ын Худалдааны төлөөлөгч нар Хятадын талтай хэлэлцээр хийх болсноо мэдэгдсэн ч ирэх 10-р сард уулзана гэдгийг баталгаажуулаагүй байна. 

Тэгвэл Бээжингээс хоёр тал ирэх сарын эхээр Вашингтонд худалдааны хэлэлцээрийг хийхээр тохиролцсон бөгөөд уулзалтад бэлтгэх зорилгоор 9-р сарын дундуур зөвлөлдөх уулзалтуудыг хийх гэж байгааг мэдэгджээ.

Мөн "Хоёр тал хамтран ажиллаж, хэлэлцээ хийх таатай нөхцөлийг бүрдүүлэхийн тулд практик арга хэмжээ авах хэрэгтэй" гэж Хятадын Худалдааны яам дурджээ.

Уг нь 2 тал энэ сард уулзахаар төлөвлөж байсан ч АНУ-ын Ерөнхийлөгч Дональд Трамп Хятадаас импортлож буй бүх бараанд тавих татварыг 50 хувиар нэмэгдүүлснээр тус төлөвлөгөө талаар болсон юм.

Ерөнхийлөгч Трамп 2018 онд хятадаас ипортлож буй түүхий эдэд 15 хувийн татвар ноогдуулснаар худалдааны дайн эхэлсэн билээ. Аажимдаа тэрбээр татварыг 25, 30 хувь хүртэл нэмэгдүүлсэн нь 2 талын эдийн засагт сөргөөр нөлөөлж худалдааны хэлэлцээр хийхэд хүндрэл учруулах болсон юм. Сүүлийн 20 жилийн хугацаанд АНУ Хятадаас их хэмжээний бараа импортлох болсон бөгөөд үүнээс болоод тус улстай хийж буй худалдаанд хэдэн зуун тэрбум ам.долларын хохирол хүлээх болсон билээ. Үүнээс болоод Ерөнхийлөгч Трамп Хятадад их хэмжээний татвар ноогдуулах шийдвэр гаргасан юм.