Өнгөрсөн баасан гарагт олон сая Венесуэлчүүд хагас сарын цалиндаа ердөө 1 ам.доллартой тэнцэх хэмжээний мөнгө авчээ. Тус улсад нүүрлээд буй эдийн засгийн хямрал ийнхүү улам хурцадсаар байгаа бөгөөд 9-р сарын байдлаасаа 10 сая хувьд хүрээд байгаа юм. Үүнээс болоод энэ улсын сарын дундаж цалин 2 ам.доллар хүртэл буурчээ.
Одоогийн байдлаар 1 ам.доллар 20 мянган боливартай тэнцэж байгаа бол нэг хүний дундаж цалин 40 мянган боливарт хэмжигдэж байгаа гэнэ. Энэ нь 1 кг мах ч авч хүрэхээргүй мөнгө юм.
Ажил эрхэлдэг болон тэтгэвэрт гарсан нийт 10 сая иргэн ийм хэмжээний цалин, тэтгэвэр авсан тухай Венесуэлийн төв банк мэдэгдсэний дээр одоо тус улсын эдийн засгийг эзлэх болсон хар зах дээр Венесуэл боливарын ханш илүү хурдан унасаар байгаа аж.
20.000 орчим боливар 1 ам.долларын ханштай байгаа тус улсын дундаж цалин болох 40.000 боливараар кг мах, нэг хайрцаг өндөг худалдаж авахад хүртэл хүрэлцэхгүй байгаа аж.
Сүүлийн 30 хоногийн хугацаанд дотоодын валют болох боливарын эсрэг ам.долларын ханш 50 хувиар нэмэгдсэн юм. Үүнээс болж нэг сарын дотор боливарын ханш нэг сарын дотор 2 дахин унажээ. Гэсэн хэдий ч засгийн газар янз бүрийн шалтгааны улмаас 10 сая Венесуэлчүүдэд сар бүр нэмэлт тэтгэмж өгдөг боловч тэрхүү тэтгэмж нь 100.000 боливар буюу 5 ам.доллароос хэтэрч чадахгүй байна.
Үүний зэрэгцээ, зарим компани ажилчдынхаа цалинг доллароор төлдөг тул иргэд ажлаасаа гарах үзэгдэл цөөрчээ. Мөн Венесуэлийн хямралаас болж дүрвэж гарсан 5 сая гаруй иргэд ар гэртээ сар бүр мөнгө илгээдэг бөгөөд үүний хүчээр ихэнх Венесуэлчүүд өлсөлгүй амьдарч байна.
