Ичмээр, санаанд оромгүй явдлаар хайр бид хоёрын харилцаа эхлэсэн юм.

10-р ангийн сурагч охин байлаа өсвөр үе байсан болохоор ч тэр үү сарын тэмдэг тогтворгүй ирдэг дээ нэг өдөр сургуулийнхаа номын санд сууж байлаа гэтэл сарын юм ирэх ёстой өдрөөсөө өмнө хүрээд ирэв ( Эмэгтэй хүн бүр энэ явдал тохиолдож байсан байх аа ) би ч цагаан өмд өмсцөн байсан болоод ч тэр үү тэр дороо нэвтэрчих нь тэр номын санд тусламж гуйчихаар таньж мэддэг ганц ч хүүхэд алга би ч бүр үнэхээр балмагдаад тэр дороо номын сангаас хамаг юм аа хамаад гарлаа..

Яг тэвдэж эвгүй юм тохиолдсон үед сургууль яасан ч олон хүүхэдтэй юм.. Зарим хүүхдүүд анзаарчихсан шоолж байх нь сонсогдоно.. Би бүр уйлмаар санагдаад яахаа мэдэхгүй сандарч байхад манай дээд ангийн нэг хүү гадуурх цамцаа тайлаад өгж байна шүү баярлалаа ч гэхийн сөхөөгүй цамцыг нь шүүрч авж ханцуйг нь гэдсээрээ уяад сургуулиас гарж такси бариад гэртээ ирлээ…

Тэр өдрөөс хойш надад тусалсан дээд ангий ахад баярлалаа гэж хэлэхээс ч ичиж нүүр улайж үхэх шахдаг байж билээ…. Гэтэл нэг өдөр фэйсбүүк рүү нэг чат ирсэн байх юм нээгээд хартал нөгөө ахаас миний цамцыг өгөхгүй юм уу гэсэн байлаа… Энэ өдрөөс хойш бид 2 чатлаж мессеж бичиж харилцдаг боллоо…

Нэг өдөр уулзаж хамт кино үзэхээр болсон юм… тэр өдөр би өөрийнх нь цамцыг өгөх нь эвгүй санагдаад цамц бэлэглэж билээ… (Одоо тэрний минь хамгийн дуртай цамц гэсээн). Энэ өдрөөс хойш бид үнэхээр дотно харилцаатай болсон хамт номын санд сууна, хамт хичээлээ давтана, хамт хооллоно заримдаа тэр минь хоол хийгээд аваад ирдэг байсан .. Он цаг өнгөрч би 11-р анги тэр минь 12-р ангид ордог хичээлийн эхний өдөр намайг албан ёсоор гуйж билээ (Ангийнхаа хүүхэд бүрээр цэцэг өгүүлж, сургуулийн хоёр давхрыг шаар, сарнай лаагаар чимэглэчихсэн үнэхээр мартагдашгүй ).

Энэ өдрөөс хойш бид сургуулийн хүн бүхэн мэддэг хос болсон.Түүний минь хичээл өглөөны ээлж, харин минийх өдрийнх… Тэр минь хичээлээ тарсан ч харилгүй номын санд хичээлээ хийгээд эсвэл, сургуулиар дэмий сэлгүйцээд намайг тарахыг хүлээгээд сууж байдаг байсан… Завсралгаанаар надад амттан, хоол авчирж ирж өгнө, орой тарахад гэрт хүргэж өгнө.

Цаг хугацаа ч хурдан өнгөрч тэр минь 12-р ангиа төгсөх боллоо… Төгсөөд шууд япон явна гэсэн гунигт мэдээг надад хэлсэн юм. Би бүр үнэхээр түүнгүйгээр байж чадахгүй юм шиг санагдаад тэр дороо л уйлж орхисон  Гэтэл тэр минь бидэнд ирээдүйгээ илүү сайн сайхан авж явах боловсрол, мэдлэг, мэргэжил хэрэгтэй тиймээс хоёулаа ирээдүйнхээ төлөө хэдэн жил л хол байя зуны амралтаараа ирж байна аа хайр нь амлая гээд миний дуртай амттанг минь гаргаж ирээд нулимсыг минь арчаад өөдөөс минь инээж билээ….  (Энэ мөч үнэхээр мартагддаггүй, түүнийгээ санахаараа би энэ үеийг л бодож инээмсэглэдэг).

Тэр жилийн 8 сард би хайртыгаа гаргаж өгөөд нүдээ бүлцийтэл уйлж байсан…. Гэхдээ хол зай миний бодсоноос хүнд хэцүү байгаагүй… хол зай бага хайрыг унтрааж их хайрыг өдөөдөг гэдэг үг байдагдаа бидний хувьд хол зай харилцааг минь улам өдөөж өгсөн зүйл байлаа. Бид хоорондоо ирээдүйгээ их ярьна тийм ч учраас тэр минь японд мэргэжил эзэмших гэж , би монголдоо ЭЕШ сайн өгөх гэж мэрийж байлаа…

Хамтдаа хүсэл мөрөөдлийнхөө төлөө хийх зүйлээ хийгээд, хөдөлмөрлөж одоо хамт биш ч ирээдүйд 100, 1000, 10000 өдөр хамт байна гэхээр л хол зай юу ч биш санагдана Тэр минь их халамжтай бас их романтик хол байх хугацаандаа валентиний баяр, төрсөн өдөр, шинэ жил гээд ямар ч баяраар намайг ганцаардуулдаггүй байсан хол ч гэсэн ямар нэгэн гэнтийн бэлэг бариастай Өвдөх үед дүү, найзуудаараа эм өгүүлнэ, даарчихна гээд малгай ороолт бээлий явуулна намайг хэзээ ч хайр халамжаар дутаагаагүй.

Миний бие багын л үе үе өвддөг байсан нэг өглөө орноосоо босч чадахгүй болтлоо өвдчихсөн эмнэлэгт хэвтээд шинжилгээний хариу тааруухан гарч хагалгаанд орохоор болсон… Би юманд их амархан гутарч, шантардаг болохоор маш их сэтгэлээр унасан… Гэтэл хагалгаанд ордог өдөр тэр минь манай гэрийхэнтэй яриад над дээр гэнэт ороод ирсэн… Орноосоо ч босч чадахгүй байсан би түүнийгээ хараад шууд л тэврээд бөөн урам зориг, эрч хүчтэй хагалгаандаа ороод гараад ирсэн. Хагалгаанд орсны дараа орноосоо ч босч чадахгүй байсан болохоор тэр минь намайг их халамжлана.

Хоолыг минь зөөж, хувцасыг минь угааж, үс самнаж, нүүрийг минь угааж өгнө, хажууд суугаад гоё гоё юм ярьж өгнө, гар хөл барьж өгнө… Тэр минь өөрийн гэсэн мөрөөдөлтэй хичээл сургуультай байсан болохоор 7 хоног намайг асарч байгаад л буцаад явсан… Энэ үед л би түүнийг надад ямар их хайртайг, бас өөрийгөө түүнд ямар их хайртайгаа ойлгосон юм Хэцүү цагт чамаас л ирэх хайр үнэн байхсан гэдэг үгэнд би итгэдэг….Тэр минь ч энэ үед өөрийгөө надад ямар их хайртайг баталсан юм.

Та нар анзаарсан бол тэр минь анх намайг эвгүй байдалд орсон үед тусалж, хамгийн хэцүү үед минь хамт байж намайг хайрлаж халамжилсныг Хэцүү үед л бие биенээ түшиж хамт байх нь л хайрын амин сүнс юм шүү хосуудаа.

Эх сурвалж: Фэйсбүүк