Хялбарчлаад зөвхөн 2018 оны 8-р сарын шилэн дансны мэдээллийг оруулав. Дээрхи гурван ОНӨААТҮГ нь “Хоум Плаза”, “Эм Эй Эн Эм”, “Милко” зэрэг ХХК-ийн өдөр тутмын бус кремыг “Хуурай сүү” нэрээр тогтмол худалдан авч Нийслэлийн хэмжээний бүх цэцэрлэгүүдэд тараадаг болох нь шилэн дансны мэдээллээс харж болно.

“Non Dairy Creamer” буюу өдөр тутмын бус кремыг дэлхий нийтэд хэрэглэхийг нь хориглоогүй. Гэхдээ энэ нь хуурай сүү биш юм. Хавсаргаж оруулсан “Милко” ХХК-ийн Хуурай сүүний найрлаганд сүү орсон гэсэн бичиг байхгүй байгааг анхаарч уншаарай. Найрлагад нь глюкоз (сахар) сироп, ургамлын гаралтай тос, хүнсний нэмэлт E471, E340, E551, байгалийн сүүний амт оруулагч, хүнсний будаг E160 гэсэн байгааг харна уу.

Мөн “Leader Milk” гэсэн хуурай сүүний найрлагад дал модны тос, эрдэнэ шишийн сироп гэсэн байгааг сайтар харна уу. Дал модны тосыг устөрөгчөөр баяжуулан транс тос болгодог. Дэлхий дахинд генетикийн өөрчлөлтөнд оруулсан эрдэнэ шишээс татгалзах хөдөлгөөн санаачлага хүчтэй өрнөж байна. Гэтэл бид хүүхдүүддээ масло гэж хууран транс тос идүүлнэ, хуурай сүү гэж хууран өдөр тутмын бус крем сүлж уулгана.

Өдөр тутам цэцэрлэг дээрээ эрүүл мэндэд сөрөг нөлөөтэй хүнсийг хөлд орж байгаа цагаасаа хэрэглэж байгаа Монголын ирээдүй болох хүүхдүүд насанд хүрээгүй байхдаа зүрх судасны өвчнөөр өвдөх эрсдэл өндөр байна. 2017 онд НЭМҮТ-өөс хийсэн “Хүн амын хоол тэжээлийн байдал” үндэсний V судалгааны дүнгээр 6-11 насны 3 хүүхэд тутмын 1 нь илүүдэл жинтэй байгаа талаар мэдээллэсэн. Өмнөх IV судалгааг 2011 онд хийхэд энэ насны 20 хүүхдийн 1 л илүүдэл жин, таргалалттай байжээ. 6 жилийн дотор хүүхдүүдийн таргалалт 7 дахин өсчээ. Иймд бид хүүхдүүдээ цэцэрлэг, сургууль дээрээ юу идэж ууж байгааг нь анхаарах цаг болжээ.

Олон улсад “Non Dairy Cream” буюу өдөр тутмын бус крем гэсэн нэршлээр хэрэглэгддэг зүйлийг “хуурай сүү” гэж хуурах нь хэрэглэгчдийг төөрөгдүүлж буй үйлдэл юм.

Эх сурвалж: Цахим Эмч