Залуус найзалдаг, Харри Жоржд моделийн гараагаа эхлэхэд нь тусалсан байжээ. Харин хожим нь тэрээр найзыгаа өөрийнх нь стилийг хуулж байна гэж буруутгасан байна. Харри найзыгаа өөрт нь атаархсандаа ингэж байна гэж үздэг байжээ. Мөн Жорж Харригийн найз бүсгүй, модель Руби Кэмпбеллтэй унтсан гэж зарласны дараа маргаан ширүүссэн юм.

Тэд Харригийн гэрийн ойролцоо уулзахаар тохирч, Жорж хоёр залуутай хамт иржээ. Амиа алдсан модель залуугийн хөрш ярихдаа “Тэднийг хутга шөвөгтөө тулна гэж бодоогүй. Зүгээр л зодолдох байх гэж бодсон. Харин Жорж хутга гаргаж ирсэн” гэжээ. Тэрбээр найзыгаа гурван удаа хутгалсны нэг нь зүрхэн тус газрыг нь оножээ. Харри түргэн тусламжийн машин ирэхээс өмнө харамсалтайгаар амьсгал хураасан байна. Жорж Кох өөрийгөө хамгаалахаар хутга гаргаж ирсэн гэж мэдүүлж байгаа аж. Тэрбээр найзтайгаа эвлэрэх гэж ирсэн ч Узока түүн рүү дайрч, хутганд нь оногдсон гэж мэдүүлжээ. Мөн Харригийн найз бүсгүйтэй унтаагүй, унтах байсан гэж хэлснээс өөр зүйлгүй гэсэн байна.

Модель Жорж Кох болон түүний хоёр найзыг хүн амины хэрэгт буруутай гэж үзжээ. Түүний шүүх хуралд энэ сарын эцсээр болно.