Энэ хүрээнд 2018 оны 08 сарын 01 -ний өдөр ирсэн иргэний гомдлын дагуу манай байгууллагад Facebook /нүүр ном/-р гаргасан “БНХАУ-ын иргэн Ли Лянхуа, түүний хүүхдүүдийн Jinchenhai ХХК, Аполло ХХК эмийн сүлжээ бизнес нь бүтээгдэхүүн сурталчилж, гишүүн элсүүлж, худалдаагаа хийдэг, мэргэжлийн бус хүмүүс ажилладаг” гэх гомдлын дагуу шалгалт хийж, зөрчлийн хэрэг нээж ажиллалаа. Шалгалтаар :

БНХАУ-ын иргэн Бао Лин Шао захиралтай Жин Чен Хай ХХК нь 12 нэрийн эм, эмнэлгийн хэрэгсэл, биологийн идэвхт бүтээгдэхүүнийг импортлох тусгай зөвшөөрөлгүй, худалдан борлуулж байсан 11 нэрийн эм, биологийн идэвхт бүтээгдэхүүн нь улсын бүртгэлд бүртгэгдээгүй зөрчил илэрснийг Зөрчлийн тухай хуульд заасныг үндэслэн 3.000.000 төгрөгөөр торгуулийн арга хэмжээ авч, 11 нэрийн нийт 155 хайрцаг, 7.798.000 төгрөгийн бараа бүтээгдэхүүнийг хураан авлаа. Албадлагын арга хэмжээ авсантай холбогдуулан хурааж авсан хөрөнгө, орлого, эд зүйл, хэрэгслээс хохирол нөхөн төлүүлэх, улсын орлого болгох, устгах асуудлыг холбогдох хууль тогтоомжийн дагуу зохион байгуулж, шийдвэр гаргах, биелэлтэд хяналт тавих үүрэг бүхий нийслэлийн зөвлөлд шилжүүлээд байна.

БНХАУ-ын иргэн Ли Лянхуа захиралтай Аполло ХХК нь Биологийн идэвхт бүтээгдэхүүн ханган нийлүүлэх тусгай зөвшөөрөлтэй, 5 нэрийн биологийн идэвхт бүтээгдэхүүнийг импортолдог байна.