ЗТХЯ-ын газрын дарга нар ажлын байрандаа архидан согтуурсны улмаас нэгнийхээ аминд хүрсэн хэрэг өчигдөр гарсан. Үүнтэй холбоотой АН-аас мэдээлэл хийлээ. 

АН-ын Ерөнхий нарийн бичгийн дарга Ц.Туваан:

ЗТХЯ-ны газрын дарга нар ажлын байрандаа архидан согтуурч, нэгнийхээ амь насанд хүрсэн хэрэг өчигдөр гарчээ. Төрийн албан хаагч залуу амиа алдсанд АН эмгэнэл илэрхийлж байна. Мөн автозамын осол, цахилгааны аюулгүй байдлаас үүдэж иргэд амиа алдсан хэрэг гарсаар байгаа. 

Төрийн албан хаагч залуу амиа алдсан хэрэгт АН-ын зүгээс Засгийн газар ямар байр суурь илэрхийлж байгаа талаар өнөөдөр ажлын цаг дуустал харлаа. Гэвч ямар нэг байдлаар Засгийн газрын зүгээс Ерөнхий сайд, салбарын сайд хариуцлагын ямар нэг байр суурь илэрхийлсэнгүй. Төрийн олон мянган албан хаагч дотроос нэгнийхээ амь насыг бүрэлгэсэнд АН үнэхээр харамсаж байна. Яамдын Газрын дарга нарыг тухайн салбарын сайд, Ерөнхий сайдад хамааралтай. Гэвч Засгийн газрын зүгээс энэ асуудлаар ямар нэг мэдэгдэл хийсэнгүй. 

АН-ын нарийн бичгийн дарга О.Магнай:

-Төрийн албан хаагч хүний амь бүрэлгэсэн нь ноцтой асуудал. Үүнд Ерөнхий сайд ямар нэг мэдэгдэл хийсэнгүйд АН харамсаж байна. Ерөнхий сайдыг овоо тахих, цэнгүүн дээр байгааг орой бүр харж байгаа. Гэвч бид ажлаа хийж байгааг бид харсангүй. Ерөнхий сайд ажлаа хий, хариуцлага тооцох нэгэнд хариуцлага тооц. Хууль хяналтын байгууллагаар шалгагдан буруутай этгээд ял хүлээх нь тодорхой. Харин ёсзүйн хариуцлагыг хариуцсан даргад нь тооцох ёстой. Ерөнхий сайд хариуцлага алдвал хариуцлага тооцно гэж хамгийн олон хүнийг загнаж байсныг телевизээр харч байлаа. Одоо ажлаа хэрэгжүүлэх хэрэгтэй. 

Н.Энх, Shuud.mn