Жолооч нь та өөрөө
Сошиал ертөнцөд хүн бүр сэтгүүлч байдаг. Олж дуулснаа бусадтай хуваалцаж, хэрэгтэй гэж үзвэл сонирхсон асуултдаа хариулт авч, тэр ч бүү хэл хэлэлцүүлэг хүртэл өрнүүлдэг шүү дээ. Тэгвэл бид “Саак нийтлэл” буландаа фэйсбүүк, твиттер, инстаграммд хамгийн их анхаарал татсан, лайк цуглуулсан, бас бусдад хамгийн олон түгсэн мэдээллийг онцлон танд хүргэх болно. Энэ удаа та бүхэнд блогч Ука Төмөрийн өөрийн цахим сайтдаа бичсэн шинэ нийтлэлийг бүрэн эхээр нь хүргэе.
Та өнөөдрийг хүртэл амьдралаа жолоодсоор ирсэн. Яг одоо ч гэсэн амьдралаа жолоодож байгаа. Хэр зэргийн жолооч вэ гэдгээс өнөөдрийн тэнь амьдрал харагдаж байгаа.
Сайн жолооч, дунд зэргийн жолооч, муу жолооч… Аль нь ч байсан жолооч нь та өөрөө мөн. Ихэнх хүн өөрөө жолоодож байгаагаа мартдаг. Бусад жолоодож байгаа юм шиг бусдыг буруутгадаг.
Бусдыг буруутгах амархан. Даргын буруу, эцэг эхийн буруу, эхнэрийн буруу, тэрний буруу гээд л… мэдээж тэдний буруу биш. Таны л буруу. Таны амьдралыг тэд биш та жолоодож байгаа.
Ихэнх хүн өөрийгөө буруутгах дургүй байдаг болохоор бусдыг буруутгаж өөрөө хохирогч болдог. Тэр үүднээсээ өөрийгөө хохирогч гэдгээр хардаг. Хохирогч гэж харсан учраас дараагийн удаа хохирогч болчих вий дээ гэдэг үүднээс ханддаг.
Хандлага ямар байна амьдрал тийм л байх болно.
Эх сурвалж: ukatumur.com/blog/
