“Амжилтын мөч бүрд хамтдаа” цуврал уулзалтыг бизнес эрхлэгч бүсгүйчүүдийн дунд зохион байгууллаа
Худалдаа, хөгжлийн банк нь үүсгэн байгуулагдсан цагаасаа эхлэн банкны салбараа тэргүүлж, үйл ажиллагаагаа тогтмол өсөлттэй, найдвартай явуулж байгаа, нийгэм эдийн засагт голлох үүрэг, хариуцлагатай аж ахуй нэгж болохынхоо хувьд нийгэмдээ хандсан эерэг нөлөөллийг бий болгох нь зүйтэй гэж үзэн “Амьдралын мөч бүрд хамтдаа” аяныг эхлүүлж олон сайн сайхан санаачилгуудыг хэрэгжүүлээд байгаа билээ.
Тухайлбал, харилцагчиддаа зориулсан номын өдөрлөг, Нийслэлийн 55 дугаар тусгай дунд сургуулийн сурагчдад уран бичлэгийн хичээлийг зохион байгуулж, 29 дүгээр дунд сургуульд стандартын дагуух шатрын танхимыг тохижуулж өгөөд байна.
Тэгвэл энэ аяны бас нэгэн хэсэг болох “Амжилтын мөч бүрд хамтдаа” цуврал уулзалт, хэлэлцүүлгийн гурав дахь арга хэмжээгээ ийнхүү Бизнес эрхлэгч эмэгтэй харилцагчдынхаа дунд зохион байгуулж, хүндэт зочноор "Ноён Уул Эрдэнэ" ХХК-ийн Ерөнхий захирал, үүсгэн байгуулагч Ц.Түвшинбаяр, "Монголианстар дистрибюшин" ХХК-ийн Ерөнхий захирал, үүсгэн байгуулагч С.Болормаа нар оролцож өөрсдийн бизнесийн туршлага, амжилтын нууцаасаа нээлттэй ярилцан, сонирхолтой яриаг бизнес бүсгүйчүүдийн дунд өрнүүлсэн юм.
Уулзалтын үеэр Худалдаа, хөгжлийн банкны зүгээс харилцагчдынхаа бизнесийн үйл ажиллагааг дэмжих зорилгоор ирсэн зочдоосоо азтан тодруулж нэг харилцагчид "Bloomberg" ТВ-ийн “Монголдоо бүтээцгээе” нэвтрүүлгийн зочноор оролцох эрх, 2 харилцагчид Forbes Mongolia сэтгүүлд бүтэн нүүр сурталчилгаагаа байршуулах эрхийг тус тус бэлэглэлээ.
Худалдаа, хөгжлийн банк харилцагчдынхаа амьдралынх нь аз жаргал, амжилт бүхэнтэй нь хамт байж үргэлж хөгжил, дэвшилд тэмүүлж байх болно.
Амжилтын мөч бүрд хамтдаа
Худалдаа, хөгжлийн банк
Уучлаарай энэ мэдээнд oдоогоор
сэтгэгдэл бичих боломжгүй байна.