Google компани халаасанд багтах жижигхэн атлаа тун ухаалаг камер бүтээжээ. Уг камерыг өнгөрөгч мягмар гаригаас эхлэн худалдаанд гаргасан бөгөөд үнийн хувьд 250 ам.доллар юм байна. Clips хэмээх энэ камер нь ердөө 56-хан грамм жинтэй ч өндөр нягтралтай зураг авч, бичлэг хийдэг тул хаана ч хамаагүй байрлуулаад нууцаар бичлэг хийх боломжтой. Google-ийн өнгөрсөн оны 10 дугаар сард анх ийм камер бүтээхээр болсноо мэдэгдэж, 5x5 см хэмжээтэй камераа бүтээлээ. Тиймээс энэ камерыг гартаа барьж яваад л бичлэг хийгээд байж болно.
Технологийн салбарын хөгжилд ихээхэн анхаарах болосн Google корпораци гарын алганд багтдаг энэ бат бөх камераа бүтээснийхээ дараа хүний инээмсэглэл, царай төрх, нохой, муур болон хурдан хөдөлгөөн таньдаг "электрон тархи" бүтээлдээ илүү анхаарч байгаа аж.
