Эерэг хүмүүс өөрийгөө хөгжүүлж, бусадтай харилцаж, тэдэнд цаг зав гаргадаг. Тэд үргэлж бусдад тусалж, сайн зөвлөгөө өгч байдаг.

Та тэдний нэг болохыг хүсч байна уу?  Тэгвэл өөртөө эерэг сэтгэлгээг төлөвшүүл. Ингэхийн тулд та амьдралынхаа хэв маягийг өөрчилж, зан төлөвөө сайжруулах хэрэгтэй.

 

Хаанаас эхлэх вэ?

Юун түрүүнд сөрөг бодлуудаасаа салах хэрэгтэй. Гутранги үзэл бодолд автах бүртээ түүнийгээ тэр дороо толгойноосоо авч хаяж бай. 

Та өвдсөн ч “Би эрүүл болно”, “Би илүү сайн болно” гэж өөрөө өөртөө хэлдэг, оюун бодолдоо боддог бол та эерэг хүн. Харин би хэр зэрэг муу байгаа бол гэж бодож, өөртөө янз бүрийн эдгэшгүй онош тавьдаг бол та эерэг хүн биш гэсэн үг юм. Хүн сөрөг бодлуудаасаа салж сурсны дараа л эерэг сэтгэлгээ сууж эхэлдэг бөгөөд ингэж эерэг сэтгэлгээ тасралтгүй сууж эхэлснээр жинхэнэ утгаараа эерэг хүн болдог. Ингээд хаа нэгтээ хэн нэгнийг эерэг хүн эсэхийг мэдэхийг хүсвэл доорхи “Эерэг хүний энгийн 7 зуршил”-ыг шинжээрэй.  

1.Шаардлагагүй зүйлсийг өнгөрсөнд нь үлдээдэг

Эерэг хүмүүс гашуун туршлага, учирсан саад бэрхшээлээ өнгөрсөнд нь үлдээдэг. Өөрийгөө зэмлэж, буруушаадаггүй. Харамсал байсан ч, байгаагүй ч өнгөрснөөсөө суралцаж урагш тэмүүлдэг.   

 

2.Анхны уулзалтаас л найрсаг байдал нь мэдрэгддэг

Эерэг хүмүүс үргэлж бусадтай найрсаг харилцаж, үүгээрээ өөрийгөө шинэ танилуудаар хүрээлүүлж байдаг. Тэд нээлттэй байдал, хариуцлагатай үйлдлээрээ бусдаас ялгардаг.   

 

3.Гайхамшгийг хүлээдэггүй, өөрсдөө бий болгодог

“Дэлхийг өөрчлөхийг хүсвэл эхлээд өөрийгөө өөрчил” хэмээх гайхамшигтай үгийг хэрэгжүүлэгчид бол эерэг хүмүүс юм. Аз ирэхийг хүлээж, зүгээр суухын оронд амьдралаа илүү сайхан болгох алхмыг яг одооноос эхэл.

4.Хүсэл тэмүүлэлтэй

Хүсэл тэмүүлэл учирсан саад бэрхшээлийг даван туулахад тусалдаг. Ямар нэгэн зүйл хийхэд учирсан саад бэрхшээлтэй эвлэрдэггүй. Өөрийгөө хөгжүүлж байгаад зорилгодоо хүрдэг. 

 

5.Үргэлж инээмсэглэж явдаг

Инээмсэглэл хүмүүсийг татаж, ховсддог гайхалтай ид шидтэй зүйл. Тиймээс бага зэргийн алдаа гаргасан үедээ ялимгүй хошин илэрхийллээр инээмсэглээрэй. Тэгвэл амьдрал илүү амар болно.

 

6. Айдастайгаа тэмцдэг

Ихэвчлэн өөрсдийнхөө айдсаас эмээсэн хүмүүс нэгэн хэвийн уйтгартай амьдралаар амьдардаг. Учир нь, тэд айдсаасаа болж ямар нэгэн шинэ зүйл эхлүүлж чаддаггүй. Мухар сүсгээ хаяж, удаан бодсон мөрөөдлөө хэрэгжүүлэх гээд үзээрэй.  

 

7.Амьдрах чадвараа хөгжүүлдэг

Бидний амьдрал хүнд, хэцүү зүйлсээр дүүрэн. Тэдгээрийг даван туулахад хүн бүрээс маш их тэсвэр тэвчээр шаарддаг. Байнга гомдоллож, өөрийнхөө алдаа дутагдлыг хэн нэгэнд тохох бус нөхцөл байдлыг хянаж, асуудлыг шийдэх арга замыг хайдаг байх хэрэгтэй. Заримдаа зан авир, зуршилаа өөрчлөхөд хэцүү байдаг ч үр дүнгийн тухай эерэг бодлууд бодох нь биднийг зорилгодоо хүрэхэд тусалж, ирээдүйг маань өөрчилдөг.