Олон өвчнөөс нэгэн зэрэг салж болох Хятадын уламжлалт эмчилгээний шалгарсан нэгэн арга бол өвдөг дээр явах юм. Даосын дасгалууд хэмээн нэрлэгддэг энэхүү өвдгөн дээрээ явах дасгалыг үе мөчний архаг өвчтэй хүн хүртэл хийж болдогоороо онцлогтой. Энэхүү дасгал энгийн мөртлөө маш өндөр үр дүнтэй бөгөөд олон өвчнийг илааршуулах увидастай. Учир нь өвдөг өвдөх нь нуруу, хөл, нугасны булчингийн сулралаас үүдэлтэй байдаг байна. Ихэвчлэн хөдөлгөөн багатай, амьдралын идэвх муутай хүмүүст голчлон тохиолддог. 

Өвдгөн дээр явах Даосын дасгал нь зөвхөн өвдөгний өвчлөлийг алга болгох төдийгүй элэг, бөөрний өвчнийг анагаах чадалтай. Учир нь өвдгөнд дотоод эд эрхтнүүдийн үйл ажиллагааг зохицуулдаг олон тооны цэг бий. Бөөр эрүүлжсэнээр бусад дотор эрхтний үйл ажиллагаа сайжирдаг аж. Иймд өвдгөн дээрээ явах эртний Хятадад энэ дасгалыг бүх өвчнийг анагаах чадалтай гэж үзэж “бүх өвчнийг анагаагч” хэмээн нэрлэдэг байжээ.

Өөр ямар нэгэн дасгал хөдөлгөөн хийхгүйгээр зөвхөн өвдгөн дээрээ явах энэ дасгалыг өдөрт 15 минут хийгээд эрүүл энх, урт удаан амьдрах боломжтой. Уг дасгалыг хийхэд ямар нэгэн хориг заалт, насны хязгаар байхгүй. 

Дасгалыг хэрхэн хийх вэ?

Өвдөг гэмтэж хөхөрч, няцрахаас сэргийлэн зөөлөн хөнжил юм уу дэвсгэр дэвсэнэ. Түүн дээрээ өвдөглөн зөөлхөн алхах мэт хөдөлгөөн хийнэ. Үенд ачаалал ихэссэнээс өвдөг эхэндээ өвдөж магадгүй. Гэсэн ч хэд хэдэн удаа тасралтгүй хийсний дараа гуяны суларсан булчин чангарснаар өвдөгний өвдөлт аажмаар алга болно. 

Өвдгөн дээр явахын ач тус

Өвдөгний өвчнөөс салахаас гадна гуяны өөхөн давхарга аажмаар алга болж, хөл, гуя нарийсч, булчинлаг, сайхан хэлбэртэй болж, улмаар илүүдэл жин хасагдана. Мөн эртний Хятадын энэ дасгал нүдний хараа сайжруулах ач тустай. Учир нь хүний өвдгөнд хараа, эрэг, бөөрний үйл ажиллагааг дэмжих идэвхтэй цэгүүд оршдог тул эл дасгалыг хийснээр нүд, элэг, бөөрний үйл ажиллагаа сайжирдаг. 

Өвдгөн дээрээ алхахдаа нүдээ анин, аль болох тайван байдлыг эрхэмлэх хэрэгтэй. Ингэснээр сэтгэл санаа тайван, анхаарал сайтар төвлөрснөөр дасгал илүү үр дүнтэй болно.

Үүнээс гадна биеийн бүх эрхтэн системийг сайжруулдаг бас нэгэн гайхамшигтай мөртлөө энгийн дасгал байдаг нь "ганц хөл дээрээ зогсох алтан тахиа" буюу 2 хөл дээрээ ээлжлэн зогсож тэнцвэрээ хадгалах дасгал юм. Үүнийг бас та туршаад үзээрэй.

Эх сурвалж: inspireloveandhealth.com