Германы парламентын “Ногоон нам"-ын бүлгээс Германы Холбооны Байгаль орчны яаманд илгээсэн Америкийн шингэрүүлсэн хийн (LNG) хор хөнөөлийн талаар асуулгад хариулт авав. Америкийн шингэрүүлсэн хий нь байгаль орчинд нүүрстэй адил хортой гэж тэд тодорхойлсон байна. Ирэх арван жилийн хугацаанд Герман улс ЕХ-оос баталсан "ногоон" бодлогын хүрээнд бүхэлдээ чулуужсан түлш болон атомын цахилгаан станцаас бүрэн ангижруулахаар төлөвлөж байгааг билээ. 

Албан ёсны хариулт бүхий баримт бичгийн хуулбарыг Германы хэвлэл мэдээллийн хэрэгсэл RND (RedaktionsNetzwerk Deutschland) -д өгсөн. Энэ бүхэн нь Оросын Газпромын өнгөрсөн зуны эхнээс хийсэн мэдэгдэл, "Хойд урсгал 2" хий дамжуулах хоолойноос эхэлсэн юм. Оросын хий нь байгаль орчинд хортой хэмээх мэдэгдэл гарч ирэх үед зарим хүмүүс "Хойд урсгал 2"-оор дамжих хий нь Америкийн шингэрүүлсэн хийг бодвол 3 цэвэр хэмээн мэдэгдэж байсан юм. 

Германы Экологийн яамнаас нийтээр нүүрс төрөгч ялгарлын хэмжээг бууруулах үе шатанд байгалийн хий нь чухал үүрэг гүйцэтгэнэ гэж тооцоолж байсан юм. Байгалийн хий нүүрсийг бодвол хор хөнөөл багатай учраас түүгээр бусад төрлийн шатдаг түлшийг орлож чадна гэж тус яамнаас мэдэгджээ. Гэхдээ энэ нь АНУ-ын шингэн хийд хамаарахгүй гэнэ. "Европ руу тээвэрлэсэн шингэрүүлсэн хийг ашигласнаар нүүрснийхтэй харьцуулбал арай бага хорт утаа ялгарах хэдий ч оросын хийнээс хор хөнөөл нь хамаагүй их байна" гэж яамныхан хариулжээ.

Түүнчлэн шингэн хийг Германы нутаг дэвсгэр дээр үйлдвэрлэсэн байсан ч уур амьсгалын өөрчлөлтөд нөлөөлөх зорилгод ямар ч эерэг нөлөө үзүүлэхгүйн дээр "Уламжлалт бус хий үйлдвэрлэх нь үний ус ба тариалангийн талбайн хувьд ихээхэн эрсдэл дагуулдаг. " гэж тэд нэмж хэлэв. 

Энэхүү мэдэгдлээр Германы холбооны засгийн газрын санал нь АНУ, Польшийн "Хойд урсгал 2" хоолойн барилгын ажлыг зогсоох, Европыг АНУ-ын шингэрүүлсэн хийгээр "дүүргэх" гэсэн хүчин чармайлтыг хязгаарлах шинжтэй байж болзошгүй гэж RND хэвлэл мэдээллийнхэн үзэж байна. Сонирхолтой нь Германы засгийн газар америкчуудад буулт хийж, шингэрүүлсэн хий авахын тулд нутаг дэвсгэр дээрээ хоёр терминал барихыг зөвшөөрсөн билээ. “Гэсэн хэдий ч шингэрүүлсэн хий нь энгийн дамжуулах хоолойноос гарах хийнээс хамаагүй илүү үнэтэй юм. Одоо Экологийн яамнаас хийсэн мэдэгдэл нь фракинг технологиор үйлдвэрлэсэн Америкийн хийн импортын эсрэг бас нэг том саад болж магадгүй юм "гэж Германы хэвлэл мэдээллийн хэрэгслүүд бичжээ.

Эх сурвалж: geopolitics.news