Их Британи Украйн улсын усан цэргийн хүчин чадлыг нэмэгдүүлэхэд тусална
Их Британи Украинтай 1.25 тэрбум фунт стерлингээр (1.61 тэрбум ам.доллар) цэргийн хөлөг онгоц нийлүүлэх гэрээг баталгаажуулсан бөгөөд энэ нь Украйны Ерөнхийлөгч Володимир Зеленскийн улс орны тэнгисийн цэргийн флотоо сайжруулахаар шийдсэнийг харуулсан “түүхэн гэрээ” юм.
Ерөнхийлөгч Зеленски Лхагва гарагт Англид хүрэлцэн ирсэн бөгөөд Их Британийн Ерөнхий сайд Борис Жонсонтой хэлэлцээ хийснийхээ дараа “Украин, Их Британийн улс төрийн хамтын ажиллагаа, чөлөөт худалдаа, стратегийн түншлэлийн хэлэлцээр” -т гарын үсэг зурсан аж. Үдээс хойш Зеленский болон түүний гэргий Олена нар Кембрижийн гүн, гүнгийн авхай Уильям, Кэтрин нарт бараалхажээ.
Мэдээллийн дагуу гэрээнд Барзан ангиллын хурдан довтолгооны пуужингийн найман завь нийлүүлэхээр тусгасан байна. Эдгээр хөлөг онгоцыг анх 1990-ээд онд үйлдвэрлэгдэж эхэлсэн бөгөөд Катарын Тэнгисийн цэргийн хүчинд зориулан тусгайлан загварыг нь гаргаж, Саутгемптоны боомт хотод байрладаг хөлөг онгоц үйлдвэрлэгч Воспер Торникрофт бүтээжээ.
Хоёр сарын өмнө Их Британийн Батлан хамгаалахын нарийн бичгийн дарга Бен Уоллесийн Украйнд айлчлах үеэр Их Британи хоёр улсын хооронд "бүр ч нягт хамтын ажиллагаа өрнүүлнэ" гэж амлаж байсны дагуу энэхүү шинэ гэрээг байгуулж хоёр орны хооронд харилцааг бас нэгэн шинэ түвшинд хүргэв.
Лондон, Киев хоёр талын "стратегийн чухал баримт бичиг" -ийг Тэнгисийн цэргийн баазад гарын үсэг зурна гэж Зеленский мэдэгдэв.
Европ тивийн тоомохон тоглогч тус хоёр улс Европын Холбооны гадна оршдог боловч хоёулаа Америкийг дэмжсэн гадаад бодлого явуулж байна. Украин бол тус тивээс нэг хүнд ноогдох ДНБ-ын үзүүлэлтээр хамгийн мууд тооцогддог боловч ОУВС-ийн гаргасан судалгаагаар нийт эдийн засгийн хэмжээгээр Их Британи нь Орос, Германы дараа 3-т ордог томоохон улс юм.
Их Британи, Украйны хоорондох боломжит хэлэлцээрийн тухай мэдээ анх 9-р сард Украйны цэргийн портал сайт дээр гарч эхэлсэн бөгөөд Их Британи Киевт найман пуужингийн завь худалдаж авахад мөнгө зээлэх болно гэсэн мэдээлэл гарч байжээ. Порталын мэдээлснээр хоёрыг нь Их Британид, үлдсэнийг нь Украйны усан онгоцны үйлдвэрт угсрах юм байна.
Хоёр улсын хооронд байгуулсан хэлэлцээр нь 2014 онд ОХУ Крымыг өөртөө шингээсний дараа хүчин чадлынхаа нэлээдгүй хэсгийг алдсан Украйны тэнгисийн цэргийн хүчинд нэн шаардлагатай түлхэц болж байна. Крымийн Севастополь боомтыг алдсанаар Киев тэнгисийн цэргийн дэд бүтцийнхээ ихэнх хэсгийг, мөн олон тооны байлдааны техник нь Орост шилжсэний дээр боловсон хүчнийхээ томоохон хэсгийг алдсан билээ.
Эх сурвалж: RT
