АНУ есдүгээр сард 3000 цэргээ Иракаас татна
АНУ Ирак дахь цэргийн тоогоо мэдэгдэхүйц бууруулахаар төлөвлөсөн бөгөөд энэ сарын эцэс гэхэд 3000 орчим цэргээ Иракаас гаргана гэж Төв командлал (CENTCOM) -ын дарга, генерал Фрэнк Маккензи лхагва гарагт мэдэгдэв.
“Иракийн хүчнийхэн хийсэн томоохон ахиц дэвшлийг хүлээн зөвшөөрч Иракийн засгийн газар болон манай эвслийн түншүүдтэй зөвшилцөж чадсаны үр дүнд АНУ 9-р сарын хугацаанд Ирак дахь манай цэргийн тоог 3000-аар бууруулахаар шийдвэрлэв. ” гэж Маккензи Багдад дахь тушаал солих ёслолын үеэр хэлэв.
Мягмар гарагт АНУ-ын Ерөнхийлөгч Дональд Трамп гарагт Ирак, дараа нь Афганистан дахь цэргийн тоог эрс багасгах шийдвэр гаргасан тухай Цагаан ордны төлөөлөгч мэдэгджээ.
Ирак дахь үлдсэн АНУ-ын цэргүүд орон нутгийн холбоотнууддаа туслах, зөвлөгөө өгөх чиг үүргээ үргэлжлүүлнэ гэж Мкенззи нэмж хэлэв.
CENTCOM-ийн командлагч Иракийн хүчнийхэн "Исламын улс" террорист бүлэглэл дахин сэргэхээс сэргийлж, тус улсын аюулгүй байдлыг сахин хамгаалах чадвартай болсон гэдэгт итгэж байгаагаа илэрхийлэв.
Маккензи хэлэхдээ АНУ Исламын улсыг эсэргүүцэх, Иракын цэргийн хүчийг бэхжүүлэх хөтөлбөрийг өргөжүүлэх чиглэлээр бүс нутаг дахь түншүүдтэйгээ үргэлжлүүлэн хамтран ажиллана гэжээ.
"Энэ шийдвэр нь Иракийн Аюулгүй байдлын хүчний бие даасан үйл ажиллагаа явуулах чадвар нэмэгдсэн гэдэгт итгэж байгаатай холбоотой юм" гэж Маккензи хэлэхдээ энэ нь Иракчуудад террористуудыг ялахад нь туслах АНУ-ын амлалтын тод илрэл юм гэжээ.
Иракт хүчирхийлэл нэлээд багассанаар тус оронд байгаа Америкийн цэргийн тоог зарим талаар цөөрүүлэх боломжтой болсон юм гэж генерал хэлсэн байна. Бас хоёр бригад 10-р сарын сүүлч гэхэд Иракаас гарч явах боломжтой гэж тэр дурьджээ. Дараа нь АНУ-ын командлал Иракт АНУ-ын цэрэг байрлуулах цаашдын төлөвлөгөөг тодорхойлохын тулд "завсарлага" авах юм.
Эх сурвалж: geopolitics.news
