Хятадад ганцхан байдаг монгол хэл дээрх нийтийн сүлжээний сайтыг хаажээ
Хятадын эрх баригчид Хятадад ганцхан монгол хэлтэй олон нийтийн мэдээллийн хэрэгслийг өнгөрсөн долоо хоногт хааж, угсаатны монгол хэлийг доромжилж, Хятадын ашиг сонирхлыг сурталчлах гэсэн арга хэмжээ авчээ гэж эрхийн байгууллагууд мэдэгдэв.
АНУ-д төвтэй Өмнөд Монголын хүний эрхийн төвийн мэдээлснээр Хятадын эрх баригчид Хятад дахь монгол хэлээр ярьдаг цорын ганц олон нийтийн мэдээллийн хэрэгсэл болох "Bainu"-г 8-р сарын 23-ны ням гарагт хаасан байна. Эрх хамгаалагчдын бүлгээс тус сайт нь Хятадын автономит бүс болох Өвөрмонголд 400,000 орчим хэрэглэгчтэй байжээ.
"Bainu"-г бүрмөсөн эсвэл түр хугацаанд хаасан эсэх нь одоогийн байдлаар тодорхойгүй байна. Вэбсайтын холбоос идэвхтэй хэвээр байгаа боловч Хятадаад байгаа иргэд хандах боломжгүй байгаа аж.
"Сүүлийн хэдэн долоо хоногт олон монгол хэлтэй иргэд "Bainu"-аар дамжуулж Бээжингийн төв засгийн газар өөртөө засах орон болох Өвөр Монголд үндэсний хэлний боловсролыг үе шаттайгаар зогсоохоор төлөвлөж байгааг эсэргүүцэх болсон юм" гэж тус хүний эрхийн байгууллага мэдээлэв.
АНУ-ын засгийн газрын санхүүжилтээр Чөлөөт Ази Радиогийн мэдээлснээр Өвөрмонголын Тунляо, Улаанхад хотын хэдэн зуун багш нарыг "яаралтай, нууц хуралдаан" -д урьж, бага, дунд сургуулийн сургалтын хөтөлбөрийг хятад хэлээр солих тухай Хятадын засгийн газрын тушаалуудыг хэлэлцжээ.
Энэхүү мэдээний хариуд Хятадын алдартай "WeChat" мессежийн сайтын хэрэглэгчид тус бүлэгт хамрагдаж боловсролын салбарт гарсан өөрчлөлтүүдийн талаар ярилцав.
Хятад хэл бол дэлхийн хамгийн хурдацтай хөгжиж буй хэлний нэг бөгөөд Хятадын автономит бүс нутгуудад "зөөлөн" хүчийг бэхжүүлэхэд тусалсан юм. Хятад улс өмнө нь олон улсын "Күнзийн хүрээлэн" гэх мэт төрийн харьяа боловсролын байгууллагуудаар дамжуулан Хятадын соёлыг олон улсад "тулгаж" эхэлсэн гэж АНУ-ын албан тушаалтнууд өмнө нь мэдэгдэж байсан билээ.
Өмнөд Монголын Хүний Эрхийн Мэдээллийн Төвийн захирал Энхбат 8-р сарын 26-ны Лхагва гарагт АНУ-ын засгийн газрын санхүүжилтээр ажилладаг "Voice of America" радиогоор дамжуулан хятадын засгийн газар үндэстний цөөнх иргэдийн хэрэглэдэг олон тооны хэлийг үгүй болгох бодлого аль эртнээс хэрэгжүүлж эхэлсэн гэж мэдэгдсэн юм.
"Өвөрмонголд явуулж буй Хятадын соёлын геноцидын энэ бодлогыг бид эрс буруушааж байна. Энэ бол зөвхөн хэлний асуудал биш. Монголчуудыг Хятадын Коммунист нам хэт удаан хугацаанд боомилж ирсэн. Бидний хэл бол бидэнд үлдсэн бүх зүйл юм. Хэрэв үүнийг арилгах юм бол бидний хувьд үндсэндээ монгол гэсэн ойлголт байхгүй болно. Олон монгол сургуулиуд эсэргүүцлээ илэрхийлэхээр бэлдэж байгаа” гэж Энхбат хэлжээ.
Эх сурвалж: Vice
