Шинзо Абэгийн албан тушаалыг орлох нэр дэвшигчид зарлагдлаа
Японы Ерөнхий сайд Шинзо Абэ өнгөрсөн Баасан гарагт албан үүргээсээ эрүүл мэндийн шалтгаанаар огцорч байгаагаа мэдээлсэн.
Түүний бүрэн эрхийн хугацаа 2021 оны есдүгээр сард дуусах байсан юм. Абэ 2006 онд Япон улсын Ерөнхий сайдаар томилогдоод нэг жил ажилласныхаа дараа ходоод гэдэсний өвчний улмаас өөрийн хүсэлтээр огцорч байв. Түүний өмнөх олон жил Ерөнхий сайдаар ажилласан дээд амжилтыг 50-аад жилийн өмнө ерөнхий сайдаар ажиллаж байсан түүний нагац ах Сато Эйсаку эзэмшдэг. Абэ цар тахлын үед 150 орчим хоног амралтгүйгээр ажилласан. Мөн эдийн засгийн хямрал, ажилгүйдэл гэсэн олон асуудалтай тулгараад байсан юм.
Хэвлэлийнхний хийсэн судалгаагаар Батлан хамгаалахын сайд асан Шигэрү Ишиба шинэ ерөнхий сайдаар сонгогдох магадлал өндөр байгааг мэдээлжээ.
Өмнөх Ерөнхий сайд Шинзо Абэ Японы түүхэнд хамгийн удаан тасралтгүй албан үүргээ хашсан Ерөнхий сайд болсон. Засгийн газрын хэрэг эрхлэх газрын дарга Суга Ёшихидэ намын гишүүдийн саналаар гарч ирэх магадлалтай байгаа юм. 2012 оноос Шинзо Абэ ерөнхий сайдаар томилогдсон цагаас хойш Суга Ёшихидэ түүний засгийн газрын олон нийттэй харилцдаг гол хүн хэвээр байна.
Харин Суга Ёшихидэгийн зүгээс “Цар тахал болон эдийн засгийн хямралтай байгаа энэ цаг үед Ерөнхий сайд асан Шинзо Абэгийн олон жилийн турш хичээн бий болгосон Японы нийгмийг үргэлжлүүлэх удирдахаар шийдсэн” хэмээн мэдэгджээ.
Ёшихидэ Суга нь Засгийн газрын хэрэг эрхлэх газарт долоон жилийн турш алба хашсан туршлагатай нэгэн. Ёшихидэ Сугагаас гадна Либерал ардчилсан намын бодлогын газрын дарга, Гадаад хэргийн сайд асан Кишида Фумио, Ардчилсан намын ерөнхий нарийн бичгийн дарга асан, Батлан хамгаалахын сайд асан Ишиба Шигеру нар нэр дэвшихээр болжээ. Эх сурвалжид мэдээлснээр, Ишиба Шигеру болон Суга Ёшихидэ нар сонгогдох магадлал өндөр байгаа хэмээжээ. 9-р сарын 14-нд шинэ Ерөнхий сайдыг сонгох хурал болно.
Японы эдийн засгийн өсөлт 1980 онд дөрвөн хувь хүртэл өсч байсан бол Шинзог Ерөнхий сайд болохоос өмнө нэг байснаа дараа нь тэг хувьд хүрсэн гэх тоооцооллыг гаргажээ. “Абэгийн бүтцийн шинэчлэл түүний алдаа байсан. Өнгөрсөн жил хэрэгжүүлсэн цагаачлалын шинэчлэлийн тухай ажил ч юу ч биш байсан” гэж Их Британийн эдийн засагч Самуэл Томбс ярьсан байна.
Тус улсын ДНБ-ий хэмжээ энэ жилийн хоёрдугаар улиралд цар тахлын улмаас 4.8 их наяд ам доллар болтлоо буурсан юм. Энэ талаар“Японы эдийн засаг Абэг удирдагч болсны дараа сайжирсан гэж тоглолт хийсэн боловч олон нийтийн санаа бодлыг хангалттай сайн өөрчилж чадаагүй” гэж ахлах эдийн засагч Ёшики Шинке ярьжээ.
Эх сурвалж: Forbes
