Дэлхийд маш олон төрлийн ажлын байр байдаг ба дэлхийн хүн амын 70% ажил эрхэлдэг гэхээр 5 тэрбум ажлын байр, үүнээс албан ёсны ажлын байранд ажиллагсадын тоо 3 тэрбум гэхээр 2 тэрбум албан бус ажлууд, чөлөөт ажилтанууд байдаг гэж ойлгож болох байх. Энэ нь бид заавал нэг мэргэжлээр ажиллах албагүй, заавал өглөөнөөс орой болтол 8 цаг ажиллахыг ажил гэхгүй, хүн бүр өөр өөрийн онцлог, чадвартай. Хийе гэвэл ямар ч ажил, хэдийг ч хийж болохыг харуулж байна. Ингээд интернэтээр хэрхэн чөлөөт ажил /халтуур/ хийж болох талаар мэдээлэл өгөе.
Хэрэв та:

• Компьютер дээр хурдан шивдэг бол
• Photoshop ашигладаг, график хийдэг бол
• Powerpoint дээр презентаци гоё хийдэг бол
• Медиа контент, видео хийдэг бол
• Төсөл бичдэг бол
• Автокад дээр зурдаг бол
• Вэбсайт хийдэг бол
• Код бичдэг бол
• Мэргэжлийн судалгаа хийдэг бол гэх мэт маш олон энгийн чадваруудаа ашиглан интернэтээс ажил авж хийгээд цалинжих боломжтой. Мэдээж англи хэл дунд болон түүнээс дээш түвшнийх байж ажилаа ярилцаж аван даалгавараа сайн ойлгож хийнэ. Өөр хэл мэддэг бол мөн ажлын боломжууд нэмэгдэнэ.

Дараах сайтуудаар /аппликэшнтэй/ орон аль нэгийг нь сонгоод бүртгүүлээд өөрийн танилцуулгыг үүсгэж ур чадвар, ажиллах талбар, туршлага, онцлог, цагын хөлс гэх мэт мэдээллүүдийг оруулаад зарласан ажил төслүүдтэй танилцаж өөрийн профайлыг рекомменд хийн ажил олгогч талтайгаа тохиролцох хэлбэрээр явдаг. Ажилаа дуусахдаа гадаад данс эсвэл paypal холбоод всё.

1. Upwork
1.5 сая хэрэглэгчтэй, бараг бүх төрлийн чөлөөт ажлын чиглэлтэй. Урт болон богино хугацааны, сарын, цагын, төслийн, түр болон жинхэнэ, мэргэжлийн болон дадлагажигч гээд бүх төрлийн нөхцөлөөр ажил хийх боломжтой.

2. Toptal
Ур чадвартай ажилтанууд нь JPMorgan, Zendesk, Airbnb гэх мэт байгууллагуудын ажил хийдэг, мөн ажилтануудаа цуглуулж уулзалт, зөвлөгөөн, олон улсын эвент зохион байгуулдаг.

3. Elance
Төлбөрийн найдвартай системтэй, шууд бүртгүүлж ашиглахад хялбар гэх мэт давуу талуудтай.

4. Freelancer

5. Craigslist

6. Fiverr гэх мэт олон сайт бий. Гол нь интернэт гэдэг Дэлхийг хэрсэн сүлжээ ой санамжтай, орон орны хүмүүс, ажил олгогч байгууллагууд хандаж байгааг санаж цаг тухайд нь төсөл, ажилаа хийж өгж байх ёстой. Ингэснээр ажил олгосон тал таньд үнэлгээ өгөн дараа дараагийн ажил авхад гол үзүүлэлт болдог. Мөн ийм сайтуудаар өөрсдийн ажлыг бас хийлгэж болно.

Би өмнө нь программ хийлгүүлэх гэж зар тавьхад маш олон чадварлаг программистууд хямд үнээр, чанартай хийж өгөх санал тавьж байсны дотор бидний хэрэглэдэг аппууд хийсэн, мундаг мэргэжилтэнүүд ч байсан.

"Ердөө интернэт, компьютер, англи хэлтэй байхад залуу хүн та малчны хотноос ч Дэлхийн талыг эзлэх боломжтой эринд амьдарч байна"

2018.05.09

Л.Ану-Үжин