48:24
У.Хүрэлсүх: Аж ахуйн нэгжүүдийг НДШ-ээс 6 сарын турш чөлөөлж, орлогын албан татварыг тэглэлээ
Монгол Улсын Засгийн газар өнөөдөр ээлжит бусаар хуралдаж байна. Хуралдааны дараа Ерөнхий сайд У.Хүрэлсүх 15.00 цагаас мэдэгдэл хийхээр болжээ. Ерөнхий сайд улс орон даяар өндөржүүлсэн бэлэн байдлын зэрэгт шилжсэнтэй холбогдуулан эдийн засгийг дэмжих чиглэлээр Засгийн газраас авч хэрэгжүүлэх арга хэмжээний талаар мэдэгдэл хийх юм байна.
Засгийн газрын шийдвэр
1. 4-р сарын 1-нээс аравдугаар сарын 1 хүртэл аж ахуйн нэгжүүдийн нийгмийн даатгалын шимтгэлийг тэглэж байна.
2. 4-р сарын 1-нээс аравдугаар сарын 1 хүртэл иргэдийн цалин хөлснөөс орлогын албан татвар авахгүй.
3. 4-р сарын 1-нээс аравдугаар сарын 1 хүртэл 1.5 тэрбум төгрөгөөс доош орлоготой аж ахуйн нэгжүүдээс цалин хөдөлмөрийн хөлс, түүнтэй адилтгах орлогоос суутгасан татвар /ХХОАТ/ авахгүй.
4. Коронавирусийн халдварын улмаас үйл ажиллагаа нь доголдож, орлого нь буурч байгаа боловч ажлын байрыг хадгалж буй хувийн хэвшлийн ажилтан бүрт сар бүр 200 мянган төгрөгийн дэмжлэг туслалцааг 3 сарын хугацаанд олгоно.
5. Малчдаас ноолуур худалдаж авах зорилгоор гурван хувийн хүүтэй 300 тэрбум төгрөгийн зээлийг үйлдвэрлэгчдэд олгоно. Зээлийн хүүгийн зөрүүг Засгийн газар гаргана.
6. 18-аас доош насны хүүхэд бүрт 10 мянган төгрөгийг гурван сарын хугацаанд олгоно. Хүүхдийн мөнгөтэй нийлээд 30 мянган төгрөг олгоно.
7. Шатахууны үнийг дөрөвдүгээр сарын 15-наас эхлэн шатахууны литр тутамд 300-400 төгрөгөөр буулгах ажлыг зохион байгуулахыг холбогдох албаныханд үүрэг өгсөн” гэлээ.
Монгол Улсын Ерөнхий сайд У.Хүрэлсүх:
-Коронавирусийн халдвар тархаад багагүй хугацаа өнгөрлөө. Манай улсын хэмжээнд коронавирусийн халдварын 11 дэх тохиолдол бүртгэгдсэн. Өвчтөнүүдийн би Ерөнхий сайдын зүгээс Монгол Улсын иргэний амь насыг нэн тэргүүнд хамгаалах, хоёрдугаарт эдийн засгийн хүндрэлтэй нөхцөл байдлыг давж ажиллах хоёр чиглэлд анхаарч байна. Коронавирусийн халдвар хяналтад байна. Коронавирусийн асуудлаар Засгийн газар арван удаа, УОК нийт 14 удаа хуралдлаа. Урьдчилан сэргийлэх арга хэмжээг авч хэрэгжүүлсний үр дүнд Монгол Улс амгалан тайван байна. Төрийн удирдлагын байгууллагууд ард иргэдийн хүчээр коронавирусээс урьдчилан сэргийлж хамгаалж өнөөдрийг хүрлээ.
Засгийн газар, Улсын онцгой комиссоос гаргасан хөл хорионы шийдвэрийг иргэд дагаж мөрдөх ёстой. Коронавирус гаднаас зөөвөрлөгдөн орж ирсэн ч хяналтад авч чадсан. Өвчлөлийг дэлгэрүүлэхгүй байхад анхаарч, тодорхой арга хэмжээнүүдийг үе шаттайгаар авч хэрэгжүүлсний үр дүнд нөхцөл байдал хүндрээгүй. Эрсдэлээ тооцож хүн бүр сонор сэрэмжтэй байх нь Ерөнхий сайдын зүгээс хүсч байна. Бид цөөхөн хүн амтай. Ард иргэдийн ухамсар, дэмжлэг энэ өвчнийг дэлгэрүүлэхгүй байхад маш их тусалж байгаад баярлаж буйгаа илэрхийлье. Засгийн газар Эрүүл мэндийн яамнаас боломжтой бүхий л нөхцөл байдлаа дайчлан ажиллаж байна. Энэ өвчинтэй тэмцэн ажиллаж буй төрийн байгууллагуудыг дэмжих тал дээр анхаарлаа. Засгийн газрын улсын нөөц хөрөнгөнөөс эм эмнэлгийн хэрэгсэлд 17 тэрбум төсөвлөсөн.
Мөн нэн шаардлагатай тусламжид 20.3 тэрбумыг зарцууллаа. Дээр нь 159 тэрбумын санхүүжилтийг эрүүл мэндийн байгууллага холбогдох байгууллагуудад зарцуулна. Хөдөлмөр хамгааллын хувцас, эм эмнэлгийн хэрэгсэлд зарцуулна. Засгийн газраас ард иргэдийнхээ эрүүл мэндийг хамгаалах чиглэлээр нийт 200 тэрбумыг гаргаж байна. Эрүүл мэндээ хамгаалахаас гадна эдийн засгаа хамгаалахад тодорхой арга хэмжээ авахад анхаарч байгааг хэлэв. Эдийн засгийн хүндрэлийг даван туулахад дараах арга хэмжээнүүдийг авч хэрэгжүүлж байна.
Дээрх арга хэмжээнүүдэд нийт таван их наяд төгрөг зарцуулж байна. Арилжааны банкууд эх орноо гэсэн сэтгэлээр хандах ёстой Зээлийг тэглэх асуудлаар арилжааны банкны удирдлагуудтай уулзсан. Эдийн засгийн нөхцөл байдал хүндэрч аж ахуй нэгж бизнес эрхлэгч албан хаагчдын нөхцөл байдал хүндэрч байна. Арилжааны банкууд Монгол банкнаас тусдаа байгууллага. Тиймээс арилжааны банкуудад хүсэлт тавьсан.
Монгол банк бодлогын хүүгээ нэг хувиар бууруулсан. Арилжааны банкууд эх орноо гэсэн сэтгэлээр хандах ёстой . Хүүгээ бууруулах ёстой. Засгийн газраас олон удаа хүсэлт тавьж ажиллаж байгаа, хүсэлт биелүүлэхгүй бол Х арилжааны банкуудын эрүүл мэндэд таагүй арга хэмжээ авч магадгүйцаашид өөр арга хэмжээ авна. Ер нь бол банкны реформ хийх ёстой. Өнөөдрийн байдлаар УИХ-ын ээлжит сонгууль хойшлогдох асуудал байхгүй гэдгийг Ерөнхий сайд У.Хүрэлсүх мэдэгдээд Засгийн газар огцрохгүй гэсэн байр сууриа илэрхийллээ.
